Usipofungua Macho, Wengine Watachagua Njia Yako
Usipofungua macho yako mwenyewe kuona njia yako, mtu mwingine atafungua yake na kukuonyesha njia aliyoichagua kwa ajili yako. Na mara nyingi, njia hiyo itakuwa inamnufaisha yeye, si wewe.
Kuna watu wanaopita maisha wakiwa wamefunga macho kiroho na kiakili. Wanafuata tu kile kila mtu mwingine anafanya, bila kujiuliza kwa nini. Wanaingia kwenye foleni ndefu ya watu wanaosukumwa na mawimbi ya jamii, wazazi, marafiki, mitandao ya kijamii, bila kuchagua wenyewe wanataka kwenda wapi.
Wakati huohuo, kuna watu wachache wanaofungua macho yao, wanaanza kuuliza maswali. Kwa nini nafanya haya? Ninataka nini hasa kwa maisha yangu? Ni nani anayeongoza uamuzi wangu, mimi au sauti za wengine?